اليتيمه

أقـبـلــت تـبـكــي وتـشـكــي بـالـدمــوعأقـبـلـت يـــوم اخـتـفـى عـنـهـا الــــوداع
قـصـتـه تـخـفـى عـلــى الـدنـيـا جـمــوعاليـتـيـمـه ضــاعــت لــهـــم ونــكـــاد
تشـتـكـي مـــن ظـلــم عـمــه والـفـجـوعيـــوم ابـوهــا مـــات مـــادون الــبــلاد
مـــات حـظــه والـدهــر هـمــه يــلــوعالـقـهــر والــمــوت بـالـدنـيـا الـجـهــاد
زوجـوهــا غــصــب يــاويــن الــشــروعبــاعــوا الـبـنــت اليـتـيـمـه بـالــمــزاد
لــلاســف مــضــت حـيـاتــه بـالـدمــوعوالـسـبـايـب والـيـتــم نــــاس الــشــداد
عـاشــت الـحـرمــان مـنـظـرهـا يــــروععـقــب ابـوهــا صـــار تـشـقـا لـلـعـبـاد
أرحـمــوا يــانــاس مـطـفــي الـشـمــوعمـــن زرع بـأخــلاص يـجـنــا بـالـحـصـاد


_________________

من يوم عرفتك




من يوم عرفتك وهذا ترى حالي = اعلل النفس بشوفك واداريـــــــــــها
حظي تعكس ودارت بي الايامي = وروحي توجس متى ربي بيبريها
ياخالد اليوم صارت ستة اعوامي = محروم انا النوم والضحكات ناسيها


_________________



ماتغيرت





تظلمتي بقولت عليه تغيرت = وانا أبد مقبل بغيرك ولا اريد
فرقاك مايومن ببالي تصورت = وعن سكتك ياكامل الزين ماحيد
ماقد شكا الخاطر ولاني تكدرت = يومي معك احس به كل تجديد
قمت اتحرى رجعتك لا تأخرت = عيشة شقى مادمت عن ناظري بعيد
تكشف دموعي ماخفى لو تصبرت = وهموم قلبي من عنا الوقت بتزيد
راجع ضميرك يالغضي ماتغيرت = لاتظلمن تجعل حياتي تناكيد




_________________



ياساكن قلبي





ياساكن ٍ قلبي ترى مايراعي = غيرك بهالدنيا ترى ماهويته
بذكراك يفز القلب من دون داعي = مدري وش اللي من هواكم جنيته
الشوق يركض لك على الدوم ساعي = والعين تذرف دمعها اللي خفيته
ماودي اسمع منك كلمة وداعي = ماودي تنهي حبك اللي بديته
حرام قلبك مايعرف الشفاعي = درب الشقى يازين لأجلك مشيته




_________________



من تكون




أعرفوا بهجة فؤادي من تكون = هي ربيع العمر هي كل الحيات
وصفها الاول مشاعرها حنون = في هواها حققت لي كل ذات
الجمال اللي ملك قلبي شجون = هو نجاتي يوم افكر بالممات
أكتب اني في وصايفها فتون = وسطر الماضي بتالي الذكريات
بالغزل قد كلمتني بالعيون = وحركت معنى الغزل فيني الشفات
وحدها اللي تسكن القلب وتمون = تامر وتنهي ولا مني وصات
وحبها اللي ماهقيت انه يخون = هي معي وانا لها طول الحيات


_________________





انا شاريك



إن كنت بايع انا شاريك = خذ الثمن دمع الاعياني
وان كان دمعي ماهو بمرضيك = القلب ترجيح ميزاني
أجر الشهر يالغضي يكفيك = وين الغلط يوم تجفاني
قصدي شريف ٍ يوم انا أماشيك = حاسبك من جملة اخواني
والعاذل اللي تغزل فيك = صارت لي موقف تحداني
استلطفك والهدف يغويك = وبالليل سراك زعلاني



_________________





لا ترجا


لالا ترجا والرجا فات اوانه = حبك بقلبي له زمان ٍ ترى فات
لاترتجي قلب ٍ غدر به زمانه = ترى الليالي علمته العلامات
عاف اللذي جدد جروحه وخانه = شاف الخيانه منك ياناكر الذات
ارتحت يوم القلب رد لمكانه = لاتحسب اني اسهر الليل مابات
لقيت من يهوى الوفى والامانه = لقيت من داوى الجروح العطيبات


_________________




ارخصت حبي ليه




أرخصت حبي ليه ياساكن الروح = بعت الوفا يازين ويلك من الله
كان الهوى يجمعنا جسمين في روح = ياحيف يالغدار تنساه كله
دور على غيري ترى انت مسموح = ماعاد لي في شخص حبه مذله
قلبي وقفلته لوح ٍ على لوح = والفكره اللي جبته ارجوك شله
خبرك تغير والخفي صار مفضوح = هذي نهاية من تنكر لخله
مافادني كثر السهر فيك والنوح = الله يصبر قلب مجروح يالله



_________________



زحمة الاشواق



بزحمة الاشواق مختارك عشيري = وانت دون الناس غيرك ماكفا
خطوتي من طوع بدروبك تسيري = لو تعذر يوم تلقاني بوفا
نلتمس ياشوق للجرح الخطيري = بلسم الاهات باعمال الشفا
ابتعد ماظن يعصى بالضميري = لوحصل مجبور للهجر وجفا
لاتقول انساك صدق مايصيري = للغياب اسباب والخافي خفا


_________________



اكفني شرك



اكفنى شرك كفى جرح القلوب = رح عسى الله يحرمك لذ المنام
صرت اشوف الغدر مابين الدروب = ياسبب نوحي وحزني والهيام
ابتدينا وانـتهينا يالعوب = لا تحاول تـقنع بحلو الكلام
الله اكبر صرت انا كلي عيوب = عقب قولك معجب انكرت الغرام
اكتويت بحبك ولازم اتوب = لأجل عينك كم تحملت الملام
كل ذكرى منك طيرها الهبوب = حتى لو سلمت لاترد السلام
اتجرع ظلم هجرانك واذوب = المحبه دربها موحش ظلام
شاعت القصه بشمالك والجنوب = معك راح العمر يامسك الختام



_________________





العالم المجهول






خلاص اباخذ حسرتي منك واعود = للعالم المجهول قررت اهاجر

ارحل واودع واقع اليوم ما عود = ودعت صبري والرجا والمخاطر

حرام اوصل والهوى صابه برود = وادري سراب الطيف بالحلم عابر

الحب ما هو بنظره عيونك السود = ادفع ضريبه رمشها بالمظاهر

لا للندم والخوف والعمر محدود = حان الرحيل الصعب انا ارتاح باكر

ما عاد لي رجعه علىحب مفقود = عفت الهوى من بعد موت المشاعر




_________________



ابجبرك




ابجبرك تعرف خطاك وتجيني = تعودلي خاضع وقفي وخليك

ابغى تذوق المر كاس بيديني = برميك في بحر ٍ من الهم واجفيك

ابديتلك كل ماتبي من حنيني = لاترتجيني روح ماعدت باغيك

دمعة فرح مو حزن تذرفه عيني = ماعدت لي فرحه لجدد بها امانييك

سحبت من قلبي غلاك الدفيني = اصبحت ماضي بعد ذا اليوم مابيك

_________________

لحظات الوداع

اكتويت بنار لحظات الوداع = والبكى ما عاد شفت انه يفيد

الفراق امر من كلمة ضياع = ما لها بوقت الاسى شي ٍ ضديد

بس انا والخل صرنا في صراع = قلت لاتبعد وهو قلبه عنيد

طالما احكم في معاناتك سماع = لا تقول ولا تعيد ولا تزيد

مثل باقي الناس خلينا انطباع = منت باول من جلس لليله وحيد

وعكس فرقانا بيحصل اجتماع = انت في شكواك ما جبت الجديد



_________________




الى متى

إلى متى في عالم الحزن والويل = لا متى وانا اتعذب واعاني

قصة حياتي يا حبيبي غرابيل = عشت لذات الفرح والاماني

معجب واحبك موت يا سيد الجيل = من الطفوله كيف تنكر حناني

يا ما تمنيتك معى بآخر الليل = ما تحيرت اللقا يا هنالي

اطلق صراحي ما بقى بي تراحيل = مقدر اطيق الكون بعدك ثواني

الناس تسمر بالفرح والتعاليل = وانا بدنيا الحزن اصارع زماني


_________________


انا مدري

انا مدري وش الحيلة معك يامخلف ظني = تجيب اعذار وهمية وانا أول من يصدقها
انا مدري استحى منك أوأنك تستحي مني = أو أني مقدر اظروفك اواحاول ادققها
اغض الطرف وادمح خطاك ان كنت متجني = واداري خاطرك وارجي حياتي ماتفارقها
من اسباب الولع ودي كلامك دايم عني = ولاودي طواري الغير تذكرها وتنطقها
تنسيني حلا نومي ونومك فيه متهني = مضى ليلك بساعاته وانا اساهر دقايقها
ياداعب ناظري طيفك يحل ووين تلعني = ويرسم في خيالك صورة بالحيل عاشقها
حياتي من الغلا روحين وكنك قطعت مني = وكنك نصفي الثاني تقل حبة وفارقها


_________________



انسني




انسني خل الزمن يكشف خفاك = دامني مقدر احقق ما تبي

الدموع الحمر جفت يا ملاك = بين كل الناس واضح مذهبي

كنت احبك ودي احضي في لقاك = احسبك صادق تحقق مطلبي

مستحيل اخضع وانا امشي وراك = ابتعد ما ابيك فيني وش تبي

الليالي درت وطفت لي ضياك = آه يالمغرور تنوي مقلبي

ياعذاب الروح حزني من شقاك = صرت بأعصابي علامك تلعبي

لو تشوف الموت ما يعيد لي هواك = الهدف واضح ترى ماني غبي

انتهينا وانت تعرف وش خطاك = لاتعذر تحسبن عندك صبي


_________________




يالمغرور





مهلك يالمغروو لابد لك يوم = تندم على كل الامور الحقيرة

تشوف بعيونك بيانات وعلوم = تعرف بها الغدار شخصك مصيره

لا ياردي النفس مافاد بك لوم = الله يديم العافية والستيرة

بترك ما عاد به حبة خشوم = قلبي عرف شخصة وفرقاك قريبة

ماني انا مثل شرواك ملزوم = ذمه وعزت نفس ما اريد غيره


_________________



خل التكبر


خل التكبر ينفعك والتغلي = خلك تعيش جو غايم بالأحزان

ياما وياما قلت لك أنت خلي = لكن خساره ما نفع فيك الاحسان

قظيت عمري عايش وسط ذلي = ابكي وادور في خيالك لي انسان

من شانكم خليت دمعي يهلي = والقلب مسكين ٍ عليل وتعبان

دور على غيري وتلقى محلي = منهو يحبك صافي لك وشفقان


_________________




خل الزعل والعتب واللوم



خل الزعل والعتاب واللوم = اشقيت حالي يوم تجفاني

مبغاك تجفى صاحبك لو يوم = محببت غيرك واحد ثاني

ماهوب حكيك في الثقه معدوم = صدقت حكيي كل عدواني

ودعت قلبي دايم محروم = وابعدت وانت سيد خلاني

اسأل علينا لابدا ملزوم = ولاجيت تلقاني مع اخواني

انت بعيني بالقلم مرسوم = ولا اسكنت قلبي لكل من جاني

يحرم على عيني لذيذ النوم = لاابعدت عني وخفت تنساني









_________________
خل الزعل




خل الزعل يا سيد كل المزايين = ماللزعل والصد يازين داعي

ترى الزعل جاير لغير المحبين = حرام في حبك تزيد التياعي

ناس بهالدنيا للصبر ضارين = وناس تشوف الموت قبل الوداعي

ارجي وصالك مثل رجوى الملبين = عساك ترجع ياحسين الطباعي

كانك علي مخطي فلاأبغاك ترضين = وان كنت انا مخطي حكمك مطاعي


_________________


يابو حمد



دنياي والله يافهد غربلتني = من عقبهم ياخوك ماشفت الافراح

صكات بقعاء يافهد لوعتني = هلت على قلبي سكاكين ورماح

شالت مجاديفي ثم اغرقتني = واصبحت في بحر التعاسات سباح

حاولت اصارع موجها واغلبتني = مع قوة التيار في صدري يقراح

على ضفاف الحزن ثم ارفضتني = وقمت اتحرى موتتي كل ماراح

يا ابو حمد وش حيلتي لانوتني = ظروف الزمان وخايب الحظ لاطاح

زود على هذا ربوعي نستني = صدو وخلوني بلا ريش وجناح

اول حلات الموت ثم اغتنتني = الغريب اليحطوا اسوار والواح

من عقبكم ياثنين دنيت متني = ليت الهموم تكون نوح ولاصياح


_________________



زرعت الحب
زرعت الحب في صدري وجدتة للأسف ذبلان = وجدت الحب لا يمكن يعيش بقلب خداعي


اثاري الغدر من طبعك عديم الذوق والوجدان = تجازي الحب والاحسان بغدر ٍ مالها داعي


سهرت الليل من شانك وذقت الويل والحرمان = أداري خاطرك وانتا لهرج الناس سماعي


ومنك النفس ترى طابت ولا اجبرها على الحقران = ترقـّب طلعة المظلوم يجي يوم اشفي اوجاعي


توكل روح عن دربي وبعتك ببخس الأثمان = ومثلك ينشرى بعده مريض النفس طماعي


_________________




صوته دعاني



صوته دعاني عقب ما كنت مقفي = متحسف ٍ من بعد صمته دعاني


قلبي وقف وابتل بالدمع طرفي = سمعي تجاوب له وقلبي عصاني


خلاني انسى كل نذري وحلفي = لاشك صوته هز خافق كياني


قلبي جريح وناقله فوق كفي = من وحشته بأيام فرحي جفاني


صوت ٍ سمعته ابعد أيام حتفي = جدد سنين عقب ماهي ثواني



_________________


غروك
غروك في شمعة غدر اشعلوها = وصدقت يالمسكين وانكرت الأصحاب

شاعة بقلبك حقد وعينك عموها = وانسوك من يهواك اهلك والاقراب

تحسب محبتهم اليك جلبوها = وجريت تلحق ركبهم كل ما غاب

خذوك مني وعشرتك انقضوها = وخلوك تقفل يالغضي بوجهي الباب

ابواب قلبك بجيتي قفلوها = وانهوك عني دون يبدون الاسباب

سيرة حياتي بسبتك بددوها = ومن هول جورك شعر راسي انا شاب


_________________


كم انا محتار




كم انا محتار مدري كيف اسير = خطوتي لقدام او ارجع ورى

حرت انا ومحتار منهو استشير = من وجد لي حل لمشكلتي قرى

جرح روحي بك تمكن بي خطير = مقبل الأيام وش مخبي ترى

فرحتي غابت في عمري ماتنير = قلبي للأحزان ماباع اشترى

ابتليت بهمي و اصبح لي خشير = في حياتي يا هلي وش قد جرى

عفت كني بعيشتي ماني حسير = اخفي الاحزان محد بي درى


_________________




لو بكيت


بكيت الليل كله والنهار = ما يبرر موقفك دمع ٍ غزير

شفت شوف العين واضح بالقرار = يوم ضاع الحب اخلفت المسير

امتياز الغدر ما خذ به شعار = الوفا بالحب ما ضني تسير

انتهينا وانتهى مامنك صار = يوم خنت اللي يحطك له خشير

ابتعد ما ابيك بأعلنها جهار = ناسي حبك واعلنت الهجير

النهايه ضنتي صار تذكار = حالف للوصل رجلي ما تسير


_________________




من ورى القضبان




من ورا القضبان واسوار الحديد = صحت سجن البين والحض الردي

شابت عيوني وانا بحزني وحيد = مالفاني زاير يحل عقدي

قاطعوني واصبح اللاهب يزيد = وين خلاني وربعي وسندي

وعذابي كل ما شد الشديد = قلت لابد الفرج فيه سعدي

واللي ماكنه سمع مني قصيد = ولاتحرى لوثواني موعدي

يازمن خلك على نوحي شهيد = وياليالي كل ما ابكي اشهدي

قصتي بالكون من نوعه فريد = كيف اعيش العمر من وين ابتدي



_________________


يحقلك


يحق لك وافعل على ما بدا لك = زين وجمال ومال وش عاد باقي

قدر هيامي فيك جعلي فدى لك = يابوحسن جذاب ومن نسل راقي

لو ماتشيلك عيني القلب شالك = ياليت تاوي لاعرفت اشتياقي

ياللي على مثل الثريا وصالك = بيني وبينك ليت يحصل تلاقي



_________________



يامدور الاعذار



خلاص يا مدور الاعذار = اليوم بانت مشاريعك

قلبي انتها منك يالغدار = ما دام بعت(ن) انا ابيعك

هذاك اول عليك اغار = واليوم حرمت ما اطيعك

ذكراك احرقتها بالنار = ماعاد افكر بترجيعك

صافيت من ينقل الاخبار = الي تفنن بتدليعك

يخلص لكم بأول المشوار = وبعدين ينشر مواضيعك

لابد ما تنفضح الاسرار = ويوم الندم عض اصابيعك



_________________



تنزل الدمعه



تنزل الدمعه على خدي واصيح = لانظرتك يا نظر عيني حزين

ينشغل بالي ومن طولي اطيح = ودورة افكاري يبددها الونين

مهتني يومي اشوفك مستريح = ما عنا قلبك ولا فقد الحنين

يا دوا حالي والقلب الجريح = ياهناي وفرحتي طول السنين

من شقاك اشقى ومن همك اطيح = وفرحتي يوم الهنا بوجهك يبين

من فداك الروح لك ماني شحيح = كل شي لك والقاس يلين


_________________



سيد روحي



سيــــد روحي كلها سودالعيـون = لانتاظـــر رمشهـــا حال سلبهــــا
كاناهـــا ماطالعـــت لك يافتـون = لاتعاندهــــا تري مابي غضبهـــا
الزعل ممنـــوع للرمــــش الحنـون = رمشهــــا عين المها روحي نهبها
كل ماسلهــم بها غض الجفـــــون = ارتجـــف لها خافقـــي ليتة حجبها
عيــــن ريم لاجلها الغالي يهــون = كحلها منها غــــدا هايــــــل هدبها
حبهـــا قلبي الي حـــد الجنـــون = تاة فكري وضـــاع قلبي من سببها
حسنهـــا الباهر يخليها تمــــــون = لو همومي والعنــا رمشة جلبهــــــا



_________________



الشائعه


شيعوا موتي خلاص حل النعي = يوم اعز الناس طاعت شايعه

مارحم ذلي وحزني وادمعــــي = والله ان الحب قلبي لايـعــــه

يا ضنيني ليـه ماتخلـص معـــي = دنيتي والله بدونــــك ضايعه

عقب ذاك الحـب تنـوي مصــرعي = آهـ يا ذيــك الليــالي الرائـعه

ويـن همس كان يمــلآ مسمــعـــي = هل تمثــل او ضمـيرك بآيــعه

لـك أنـا شرّعـت قلبـي مـآ أدّعـي = في فنون أهـواك كبـدي مآيـعه

لآذكـرت صرت فآقــد للوعــــــــي = قصــتي بيـن الخلايــق ذايـــــعه



_________________



حي البديعه



حي البديعة نور = أدور به مجبور
كني بها مسحور = يومين ما أشوفه
ترى غيابه طال = وبعده يسم الحال
ليته يجي بالحال = والله ما أعوفه
ليه الجفا يا زين = يا مورد الخدين
أصبر أنا لا وين = والنفس ملهوفه
أعيش بالذكرى = وأصبر على الفرقى
جرحي ترى بيبرى = أبلمس كفوفه
غيره أنا ما أبي = يا أعز أحبابي
أصبر على مابي = ولا أبدي حسوفه
ليته يجي ويشوف = حبه سكن بالجوف
بس القهر والخوف = لا طرى لي ظروفه


_________________

نهاية العشره


نهايه العشره القديمه = للأسف صارت أليمه
قصة الحب العظيمة = أصبحت وهم وخيال

بين مخلص مع أناني = انتهت أحلى الاماني
واتضح من كان جاني = وانتهى كل الجدال

من عتابك من عنادك = اتضح لي مرادك
صرت احلم في بعادك = وارتجي قطع الوصال

عيشتي ظلمة بدونك = عذبت قلبي ضنونك
من يحملني جنونك = رجعتي ثامن محال

سهل الله لك دروبك = ابتعد ماني بصوبك
من ييبونك اهتنوا بك = قلهم بفتح مجال


_________________


غريبه



غريبه يوم تقسى = لوعدك ليه تنسى

ترى جفواك مأسى = لأحلامي السعيده


اطعت العذل فيني = تنكر ما تجيني

وكنت اول تبيني = غلى قلبي تريده


تروح بعيد عني = وانا معك متهني

وما جاك مني = قسى قلبك عنيده


هويت اليوم ثاني = اقعدته في مكاني

وقبل قلبك دعاني = عنا قلبي تزيده


انا ما اريد غيرك = مصيري هو مصيرك

بقى قلبي اسيرك = امل قلبي وسيده

_________________

مشكوررررررررررررررر لخوي ولا تحرمنا من الجديد

مشكوررررررررررررررر